ຄະນະສົງ ນານາຊາດ ສູຕຣັຕນະສູຕ ເພື່ອປົກປ້ອງຄຸ້ມຄອງ ແລະ ປັດເປົ່າ Covid-19

ຄະນະສົງ ນານາຊາດ ສູຕຣັຕນະສູຕ ທີ່ກ້ອງຕົ້ນມະຫາໂພ ເມືອງຄະຍາ ລັດພິຫານ ປະເທດອິນເດຍ ເພື່ອປົກປ້ອງຄຸ້ມຄອງ ກໍາຈັດປັດເປົ່າ ອຸປັທທະວະໂຣຄຮ້າຍທັງຫລາຍທັງປວງ ທີ່ກໍາລັງແພ່ທົ່ວໂລກໃນປັດຈຸບັນ
19/03/2020

ບູຮານໄດ້ກ່າວໄວ້ ຖ້າຝັນເຫັນຄົນໃດ ສະແດງວ່າຄົນນັ້ນຄິດຮອດ

 

ຄົນບູຮານໄດ້ກ່າວໄວ້ວ່າ ຖ້າເຮົາຝັນເຫັນຄົນໃດສະແດງວ່າຄົນນັ້ນຄິດຮອດເຮົາ

ເຊິ່ງໃນຄວາມຄິດຮອດນັ້ນເຂົາຈະຄິດເຖິງເຮົາຄິດເຫັນໜ້າເຮົາຢູ່ຕະຫຼອດເວລາ

ຄວາມຮູ້ສຶກທີ່ເບິ່ງບໍ່ເຫັນນັ້ນ ມັນຈະສົ່ງເຖິງຄວາມຮູ້ສຶກແຕ່ລະຄົນໄດ້

ເຖິງວ່າຢູ່ຕໍ່ໜ້າຈະເຮັດຄືບໍ່ຮູ້ຈັກກັນ ຫຼື ສະແດງປະຕິກິລິຍາກຽດຊັງປານໃດກໍ່ຕາມ

ມັນກໍ່ບໍ່ສາມາດຕ້ານທານຄວາມຮູ້ສຶກ ແລະ ຈິດເຮົາໄດ້

ຍ້ອນພະລັງຈິດພະລັງຄວາມຮູ້ສຶກ ຈຶ່ງເຮັດໃຫ້ອີກຄົນຝັນເຫັນ

ປັດຈຸປັດກໍ່ມັກໄດ້ຍິນເລື້ອຍໆວ່າ ຖ້າເຮົາຄິດຮອດໃປຫຼາຍໆ 98% ເຂົາກໍ່ຄິດຮອດເຮົາເຊັ່ນກັນ

http://www.miluem.com

ແຈ້ງການອອກມາແລ້ວ ໂຈະການຮຽນການສອນໂຮງຮຽນແລະສະຖາບັນການສຶກສາທົ່ວປະເທດ

ແຈ້ງການອອກມາແລ້ວ ໂຈະການຮຽນການສອນໂຮງຮຽນແລະສະຖາບັນການສຶກສາທົ່ວປະເທດ ເນື່ອງຈາກການແຜ່ລະບາດຂອງ ໄວຣັດ  Covid-19 ເຮົາຕ້ອງໄດ້ເອົາໃຈໃສ່ສະກັດກັ້ນ ແລະ ປ້ອງກັນຢ່າງເຂັ້ມງວດ.

ທຸກຄົນລ້ວນເປັນຄູທັ້ງນັ້ນ ຖ້າເຂົ້າໃຈກໍ່ເປັນສຸກໄດ້

http://www.miluem.com

Silhouette of a person on inch beach, co. Kerry, Ireland

ທຸກຄົນລ້ວນເປັນຄູທັ້ງນັ້ນ

ຄົນດີ…ກໍ່ສອນໃຫ້ເຮົາເຮັດຕາມ

ຄົນຊົ່ວ…ກໍ່ສອນໃຫ້ເຮົາຢ່າໄປເຮັດກັບໃຜ

ບາງຄົນ ເປັນຂອງຂັວນ

ບາງຄົນເປັນບົດຮຽນ

ບາງຄົນ ຄືອັນຍະມະນີທີ່ຫາບໍໄດ້

ບາງຄົນ ຄືກ້ອນກວດທຳມະດາທົ່ວໄປ

ຢູ່ທີ່ເຮົາ ຈະເລືອກຈົດຈຳແບບໃດ

ເລືອກຈຳ ຄວາມບໍ່ດີເຮົາກໍ່ແຄ້ນ

ເລືອກຈຳ ເປັນບົດຮຽນເຮົາກໍ່ຈົບ

ຢ່າຟ້າວ ໄປໂທດໃຜທຸກຢ່າງຢູ່ທີ່ເຮົາ

ເຮົາຕ່າງຫາກ ເປັນຜູ້ອະນຸຍາດໃຫ້ເຂົາເຂົ້າມາ

ສະນັ້ນ ກ່ອນຈະວ່າໃຜລອງຫັ້ນມາເບິ່ງຕົວເອງກ່ອນ

ເພາະເຮົາ ຄາດຫວັງກັບເຂົາຫຼາຍເກີນໄປ

ເມື່ອເຂົາບໍ່ໄດ້ເປັນຢ່າງເຮົາຄິດ

ເຮົາຈຶ່ງ ເຈັບໄປເອງ ຕື່ນຮູ້ໃຫ້ທັນຕົວ ຄາດຫວັງ

ເມື່ອບໍ່ມີມັນ ເຮົາກໍ່ຈະບໍ່ເຈັບ

ໃຜຈະ ເປັນຈັງໃດ ກໍ່ຊ່າງເຂົາ

ຈົ່ງດູແລ ໃນຄວາມເປັນເຮົາວ່າຈະບໍ່ໄປຍຶດຕິດກັບໃຜ

ດຽວຄວາມສຸກແຫ່ງການວາງໄດ້ຈະເຂົ້າມາຫາເຮົາເອງ

ໂດຍບໍ່ຕ້ອງຕາມຫາ ເພາະ ” ສຸກແທ້ຈິງ ” ຢູ່ທີ່ໃຈຂອອງເຮົາເອງ

เมื่อไม่มีมัน…เราก็จะไม่เจ็บ
ใครจะ…เป็นอย่างไรก็ช่างเขา
จงดูแล…ในความเป็นเราว่าจะไม่ไปยึดติดกับใคร
เดี๋ยวความสุขแห่งการวางได้จะเข้ามาเราเอง

โดยไม่ต้องตามหา เพราะ “สุขแท้จริง”
อยู่ที่ใจของเราเอง
……………………………………………………….
http://www.miluem.com

ສາວໂພສເຕືອນສະຕິ ແລະ ແຊປະສົບການທີ່ຕໍ່ສູ້ກັບ Covid-19

ສາວ Annie Nie ໂພສ

••••• ສະຕິໂຕໃຫຍ່ໆເດີ້ ••••••

ເຂົ້າໃຈວ່າໃຜກະຢ້ານ Covid … ແຕ່ຢາກໃຫ້ມີສະຕິຫລາຍໆ

1. ວ່າດ້ວຍເລື້ອງສະພາບຈິດໃຈ

ຂ້ອຍຜ່ານຈຸດນັ້ນມາແລ້ວ ແລະ ຫລາຍຈຸດອີກ
– ຈຸດທີ່ກີນເຂົ້າບໍ່ໄດ້ ນອນບໍ່ຫລັບ
– ຈຸດທີ່ບໍ່ມີອາຫານການກີນ ກີນແຕ່ຕົ້ມຫມີ່ ກັບ ຕົ້ມໄຂ່ທຸກຄາບ
– ຈຸດທີ່ຫາຊື້ຜ້າປິດປາກບໍ່ໄດ້
– ຈຸດທີ່ນັ່ງກອດເຂົ່າພ້ອມນຳ້ຕາ ແນມຫນ້າກັບເມດໃນຫ້ອງສີ່ຫລ່ຽມ
– ຈຸດທີ່ຕ້ອງມານັ່ງເສບຂ່າວແຕ່ລະມື້ ວ່າສິມາຮອດໂຕເອງມື້ໃດສິໄດ້ຮັບມືທັນ
– ຈຸດທີ່ຕ້ອງມາອັບເດດຂ່າວທຸກມື້ ເພື່ອໃຫ້ຄົນລາວມີສະຕິ ແຕ່ກົງກັນຂ້າມ ຄົນລາວພັດກຳລັງມ່ວນໃນການສະຫລອງກຸດຈີນ ໃນຂະນະທີ່ຄົນຈີນຈິດໃຈຫົດຫູ່ ພ້ອມນັ່ງນັບສະຖິຕິຄົນຕາຍໃນແຕ່ລະມື້
– ຈຸດທີ່ຂ້ອຍຕັດສິນໃຈບໍ່ຢາກກັບບ້ານ ຢ້ານຮັກສາໂຕເອງໄດ້ບໍ່ດີພໍ ຢ້ານຕິດເຊື້ອຕອນຂີ່ຍົນ ໃນຈຸດຊຸມຊົນຄົນຫລາຍ
– ຈຸດທີ່ຫມູ່ສິເບີ່ງໂຕເອງເປັນໂຕຫນ້າລັງກຽດ ເມື່ອເຂົາຮູ້ວ່າເຮົາກັບມາແຕ່ຈີນ
– ຈຸດທີຖືກຄຳຖາມສາລະພັດສຸກດິບ ວ່າຕິດລະຫວາ? ບໍ່ແມ່ນຕິດລະເບາະ ! ກັບມາລະຢ່າເອົາເຊື້ອມານຳໄດ໋ ! 😣
– ຈຸດທີຂື້ນຍົນມາ ເຫັນເມັດເຂົ້າແລ້ວສັ່ນໃສ່ (ຄວາມຫິວ)
ທຸກຈຸດແມ່ນຂ້ອຍຜ່ານມາຫມົດແລ້ວ ແລະຍັງເຫລືອຫລາຍໆຈຸດໃນເຫດການຄັ້ງນັ້ນ (ເລົ່າຫມົດມື້ກະຄືສິບໍ່ຫມົດ) ຂໍຜ່ານ
ເລື້ອງແນວນີ້ບໍ່ເກີດກັບໂຕເອງຈະບໍ່ມີທາງຮູ້ ແລະ ເຂົ້າໃຈເດັດຂາດ
ຂ້ອຍຈິດຕົກ ! ຫລອນ ! ນອນບໍ່ຫລັບ! ຈິດໃຈບໍ່ສະຫງົບ

ບັນຫາສຳຄັນຄືກຳລັງໃຈ ບໍ່ແມ່ນຄຳເວົ້າໃສ່ ແບບບໍ່ໄດ້ໄຕ່ຕອງ

2. ວ່າດ້ວຍເລື້ອງຄວາມຮັບຜິດຊອບໂຕເອງເພື່ອສ່ວນລວມ

ກ່ອນຈະຕັດສິນໃຈກັບ ຂ້ອຍກະໄດ້ກຽມພ້ອມກັບທຸກຢ່າງ ເຮັດທຸກຢ່າງປ້ອງກັນໂຕເອງໃຫ້ດີທີ່ສຸດ
– ຕັດຖົງຂີ້ເຫຍື້ອມາປະຕິດປະຕ່ອມໃຫ້ໄດ້ເສື້ອຄຸມເປັນໂຕ (ເພາະຫາຊື້ບໍ່ໄດ້ຕ້ອງໄດ້ເຮັດເອງ)
– ໃສ່ຖົງມື , ໃສ່ Mask
– ເອົາເຫລົ້າ 90 ມາປະສົມນຳ້ເພື່ອສີດຂ້າເຊື້ອ , ລ້າງມື ທຸກ 5 ນາທີ
– ເອົາ Dettol ປະສົມນຳ້ໄວ້ສີດບ່ອນນັ່ງຕາມສະຖານທີ່ຕ່າງກ່ອນສິນັ່ງ ,ຫລື ກ່ອນສິສຳຜັດອີ່ຫຍັງຕ່າງໆ ..!
ກ່ອນຈະເຂົ້າມາລາວ ຂ້ອຍກະຍອມຖີ້ມເຄື່ອງນຸ່ງທີ່ໃສ່ຢູ່ໂຕອອກຫມົດ ແລ້ວປ່ຽນເຄື່ອງໃຫມ່ ເພື່ອຄວາມປອດໄພ ແລະ ສະບາຍໃຈ, ພະຍາດອາດຈະບໍ່ສາມາດຕິດທາງສີ່ງຂອງໄດ້ ແຕ່ກະເລືອກທີ່ຈະຖີ້ມ..

3. ວ່າດ້ວຍເລື້ອງຂໍກວດຫາເຊື້ອຢູ່ ໂຮງຫມໍ 150ຕຽງ

ຫລັງຈາກຂ້ອຍກັບມາແຕ່ຈີນກໍຮີບຮ້ອນໃຈໄປຂໍກວດຫາເຊື້ອ ເພາະໂຕເອງໄດ້ມາຈາກປະເທດທີ່ມີຄວາມສ່ຽງ! ແຕ່ຫມໍກໍບໍ່ກວດໃຫ້ເພາະບໍ່ໄດ້ມີອາການຕາມທີ່ເພີ່ນໄດ້ບົ່ງອອກມາ ,ເຊັ່ນ : ໄຂ້, ໄອ ,ຫາຍໃຈຝືດ ,ມີຂີ້ກະເທິະ.. ແຕ່ຄວາມຢ້ານສ່ວນໂຕທັງຂໍ ,ທັງນົບ ເພີ່ນກະຕອບມາວ່າ ເສຍເວລາລ້າໆ😀ແຕ່ເພີ່ນກະສິເຫັນຫນ້າເປັນຕາອີ່ຕົນແດ່ເລີຍໃຫ້ລົງທະບຽນປະໄວ້ກ່ອນ ຖ້າມີໄຂ້ຈື່ງກັບມາ !ພໍແຕ່ກັບຮອດບ້ານເທົ່ານັ້ນແຫລະ ໄຂ້ພຸ້ງຂື້ນສູງຮອດ 39, ເອົາລະຮ່າແດກ ຢ້ານກັນຫມົດບ້ານ,ມີຢາຫຍັງທີ່ແກ້ໄຂ້ໄດ້ກະດັບໆແກ້ໆໄປກ່ອນ ຈົນຜ່ານໄປສອງມື້ຍັງບໍ່ເຊົາ ເລີຍໄປກວດຢູ່ 103 !ພໍແຕ່ໄປຮອດເພີ່ນກະວ່າຢູ່ 103 ບໍ່ຮັບກວດຖ້າອາການບໍ່ຄົບ 4 ຢ່າງຕາມທີ່ເພີ່ນບົ່ງມາ ແລະ ຍັງບໍ່ມີຢາເທື່ອ。。ຫລັງຈາກນັ້ນແມ່ກະໄດ້ພາກັບໄປ 150 ຕຽງດ່ວນ ,ຫົວຮ້ອນຈົນສິລະເບີດ ,ຄວາມຢ້ານຈົນສະຕິຫລຸດ ຄິດໄປຕ່າງໆນາໆ ຄົນດຽວ ແລ້ວນຳ້ຕາກະຊືມ ພ້ອມຄິດຄຳເວົ້າສິຕອບກັບຫມໍແນວໃດ ຖ້າຫມໍບໍ່ກວດໃຫ້ ,ຄັນຍັງບໍ່ຍອມກວດໃຫ້ອີກ ມີແຕ່ຖ້າຕາຍລະຈື່ງຫອບສົບມາໃຫ້ຫມໍກວດ ຮ່າຮ່າ ຫລອນແຮງ .. (ຄິດຄົນດຽວ)
ເມື່ອຂ້ອຍກັບເຂົ້າໄປກະໄດ້ບອກຫມໍວ່າ ລູກເປັນໄຂ້ ເພີ່ນກະຖາມວ່າແມ່ນລູກຫວາທີ່ມາຂໍກວດມື້ນັ້ນ !ເປັນໄດ້ຈັກມື້ແລ້ວ ເປັນຫຍັງເປັນໄຂ້ລະບໍ່ຮີບມາ ! ຄືຂ້ອຍງົງໄປອີກ ແມ່ນຄົນດຽວກັນກັບມື້ນັ້ນບໍ່ຫວະ?😂 ແຕ່ກະຄົນດຽວຫັ້ນແຫລະ ເພີ່ນກະໄດ້ພົວພັນເທັກແຄມອບສົ່ງເຮົາໃຫ້ຫມໍທີ່ກ່ຽວຂ້ອງເປັນຢ່າງດີ !ພໍແຕ່ໄດ້ເຂົ້າໄປສອບຖາມປະຫວັດຂໍ້ມູນເບື້ອງຕົ້ນຫມໍກໍໄດ້ບອກຂ້ອຍໂທຫາແມ່ວ່າໃຫ້ເພີ່ນກັບໂລດ ແລ້ວໃຫ້ຂ້ອຍນອນໂຮງຫມໍຄືນຫນື່ງເພື່ອຕິດຕາມອາການ ແລະ ຖ້າຜົນກວດ ແລ້ວຫ້າມໃຫ້ໃຜມາຫາໂດຍບໍ່ໄດ້ຮັບອະນຸຍາດ ຖ້າຈະສົ່ງເຂົ້າສົ່ງນຳ້ກະຕ້ອງໄດ້ມີຫ້ອງລັບ 😂 (ຫ້ອງນອນສ່ວນໂຕ) ພ້ອມ ຫມໍຈະເຂົ້າມາຖາມອາການພ້ອມຊຸດອາວະກາດ

(ຫມໍລົມດີ ລົມມ່ວນ ເພີ່ນເວົ້າທຸກຢ່າງໃຫ້ຂ້ອຍບໍ່ຄຽດ ບໍ່ຄິດຫລາຍ)
ຫມໍຜູ້ຊາຍ:
– ໃຫ້ນ້ອງໂທຫາຜູ້ປົກຄອງເດີ້ ວ່າຫມໍໃຫ້ນອນຕິດຕາມອາການ ບອກເພີ່ນບໍ່ຕ້ອງຕົກໃຈ ຫມໍບໍ່ໄດ້ກັກໂຕນ້ອງ ແຕ່ໃຊ້ຄຳວ່າຕິດຕາມອາການເຮົາຈະຕິດຕາມອາການໄປພ້ອມໆກັນເນາະ ເພາະນ້ອງໄດ້ມາຈາກປະເທດທີ່ມີຄວາມສ່ຽງ ແລະ ນ້ອງເປັນ 2 ໃນ 4 ຂອງອາການດັ່ງກ່າວ (ໄຂ້ ,ໄອ)
– ຫມໍບໍ່ໄດ້ວ່ານ້ອງເປັນ ແຕ່ເຮົາຈະຖ້າຟັງຜົນໃນມື້ອື່ນພ້ອມໆກັນ
– ຖ້າຜົນເປັນລົບ ນ້ອງສາມາດກັບບ້ານໄດ້ ແຕ່ ຖ້າຜົນເປັນບວກ ແມ່ນນ້ອງຈະໄດ້ນອນຮັກສາໂຕຢູ່ໂຮງຫມໍຈົນກວ່າຈະເຊົາ (ແຕ່ )ຊື່ໆເດີ້ ແນວໃດຫມໍກະຄິດວ່ານ້ອງຕ້ອງປອດໄພ ບໍ່ຕ້ອງຄິດຫລາຍ
ແລງຂອງມື້ຕໍ່ມາຜົນກະອອກມາເປັນ ລົບ Negative (ຜ່ານ ,ລອດ)
ກັບບ້ານໄດ້
ຄ່າໃຊ້ຈ່າຍເພື່ອຄົນຢາກຮູ້ ><
ລວມຄ່າໃຊ້ຈ່າຍ+ກວດເລືອດຫມົດປະມານ 500.000ກີບ
ຖ້າຢາກຟຣີ ຕ້ອງແມ່ນຜູ້ຕິດເຊື້ອ ແມ່ນຟຣີເດີ້ ເພາະລັດຖະບານຈະຮັບຜິດຊອບໃຫ້ (ເລືອກໄດ້)
ເພາະນຳ້ຢາເພີ່ນກະໄດ້ຊື້ 🙂
ຫລັງຈາກຂ້ອຍອອກໂຮງຫມໍໄຂ້ກະເຊົາແບບງົງໆ

ສາເຫດທີ່ຂ້ອຍໄຂ້ຂື້ນແມ່ນຍ້ອນຮ່າງກາຍຂ້ອຍປັບໂຕບໍ່ທັນ ເພາະຢູ່ບ່ອນເຂດຫນາວອາກາດ -10• ອົງສາ ແລ້ວມາ ຢູ່ອາກາດ 37• ອົງສາ ບວກກັບການພັກຜ່ອນບໍ່ພຽງພໍຍ້ອນຄິດຫລາຍເລີຍເຮັດໃຫ້ເປັນໄຂ້ໄດ້ງ່າຍ

ຂ້ອຍຄິດວ່າສີ່ງສຳຄັນສຸດຄືເຮົາຕ້ອງຮັກສາຕົນເອງໃຫ້ໄດ້ກ່ອນ
ພັກຜ່ອນໃຫ້ພຽງພໍ, ບໍ່ໄປບ່ອນຊຸມຊົນ ຄົນຫລາຍ ,ຫມັ່ນລ້າງມື ,ເຮັດຈິດໃຈໃຫ້ສະຫງົບ ,ເຮັດໃຫ້ຖືກວິທີຕາມເພີ່ນບອກກະຫນ້າຈະປອດໄພລະ ເພາະປະເທດເຮົາຄວາມສ່ຽງຫນ້ອຍຍ້ອນບໍ່ແອອັດ ,ໃຊ້ລົດສ່ວນໂຕ ,ບໍ່ນິຍົມຂີ່ລົດເມ ,ບໍ່ມີລົດໄຟ ເລີຍເຮັດໃຫ້ມີຄວາມສ່ຽງຫນ້ອຍກວ່າປະເທດອື່ນ ແຕ່ກະບໍ່ປະລະເລີຍທີ່ຈະປ້ອງກັນຕົນເອງ

ຂ້ອຍບໍ່ແມ່ນຄົນດັງ ບໍ່ແມ່ນຄົນສັງຄົມ ແຕ່ກະຢາກມາລະບາຍໃຫ້ກະຈ່າງບາດດຽວ ບາງເທື່ອກະຫງຸດຫງິດລຳຄານ ຫົກຈິດໃຈ ພວກທີ່ຍັງຄິດລະແວງເຮົາ ທຳທ່າຈະເປັນຫ່ວງແຕ່ກະບໍ່ແມ່ນ , ວ່າເຫັນຫນ້າເຮົາລະເປັນນັ້ນເປັນນີ້ ຖ້າຂ້ອຍເປັນປານນີ້ກະສິໄດ້ນັບຫົວມາໃສ່ກັນລະວ່າມີໃຜແນ່ ! ຢາກໃຫ້ຢູ່ກັບຄວາມເປັນຈິງ ລະວັງໄດ້ ແຕ່ບໍ່ແມ່ນລະແວງກັນແນວນີ້ ຫາກະສິຮັບຮູ້ເຖິງຄວາມຮູ້ສຶກນິຫວາ? ວ່າຢ້ານ ! ຈິດໃຈຂ້ອຍມັນຍັບຕັ້ງແຕ່ຄຳຖາມຕົ້ນໆທີ່ຂຽນມາທາງເທິງຫັ້ນລະ ວ່າສິປ່ອຍລະລືມມັນລະ ແຕ່ກະຍັງມີພວກມະຍຸມະຍະຈິດໃຈປຸກມັນຂື້ນມາຈົນໄດ້ ..

ເຊົາຊະພວກມັກເຫັນຄົນຈີນເປັນໂຕແປກປະຫລາດ
ເຊົາຊະກັບຄຳຖາມຄິດວ່າມັນເປັນຄຳຢອກຄຳກວນ ເພາະມັນອອກຈາກປາກເຈົ້າແລ້ວມັນຈະກາຍເປັນຄຳ Bully ຄົນກົງກັນຂ້າມທັນທີ

ຂ້ອຍວ່າສິບໍ່ອັບຮູບນີ້ລົງ ສິເກັບໄວ້ເບີ່ງເອງ ແຕ່ກະຢາກໃຫ້ຮູ້ວ່າຂ້ອຍກະບໍ່ໄດ້ປະລະເລີຍທີ່ຈະປ້ອງກັນໂຕເອງ ,ເພາະເລື້ອງແນວນີ້ບໍ່ແມ່ນເລື້ອງສຳລັບຂ້ອຍຄົນດຽວ ແຕ່ມັນເວົ້າເຖິງຄົນໃນຄອບຄົວ ,ຄົນທັງປະເທດ ຖ້າເຮົາປ້ອງກັນບໍ່ໄດ້ ກະເດືອດຮ້ອນກັນໄປຫມົດ..ສະນັ້ນອີ່ຫຍັງກະຢ່າຕ້ອງເລີ້ມຈາກໂຕເຮົາກ່ອນ ບໍ່ແມ່ນສິໄປຖ້າແຕ່ວ່າຍ້ອນຜູ້ນັ້ນຜູ້ນີ້ ບໍ່ມີໃຜປະສົງຢາກໃຫ້ເກີດ.. ຝາກໄວ້ໃຫ້ຄິດ ! ຄົນທີ່ຫນັກກວ່າເຈົ້າກະມີ ! ຄັນບໍ່ຢາກວິຕົກ ກະປິດເນັດ ,ຢຸດເສບຂ່າວ ນອນກີນອາຫານທີ່ຕຸນໄວ້ບ້ານຫັ້ນ .. ລະກະຢ່າແຊັດມາໃຫ້ເຫັນອີກວ່າເຫັນຫນ້າກູລະເປັນນັ້ນເປັນນີ້ ດຽວປະສາດແດກເອງຫັ້ນ (ຊັງ )
ຈິດໃຈຄົນ .. ຄົນເປັນຫ່ວງ ຫວັງດີກະມີຫລາຍຢູ່ແຕ່ຂໍເກັບ,ຂໍຮັກແພງໄວ້ໃນໃຈຊະ, ຄົນທີຍັງຄິດລົບໃຫ້ຄົນອື່ນ ກະເບີ່ງແຍງໂຕເອງຕໍ່ໄປ ຮັກຄືເກົ່າ ເພີ້ມເຕີມຄືເລີ້ມຊັງ 💀☠️

ປະສົບການຈາກຜູ້ໃຊ້ເຟດບຸກ : Annie Nie

ພໍ່ຄົນໜຶ່ງເຕືອນສະຕິລູກສອນ ໃນການເລືອກຄູ່ຊີວິດ ໃນຖານະເປັນຜູ້ຊາຍຄົນໜຶ່ງ

ພໍ່ຄົນໜຶ່ງກຳລັງເຕືອນສະຕິລູກສາວຂອງເຂົາວ່າ…
“ຄົນບາງຄົນເໝາະສົມກັບລູກ ແຕ່…ເຂົາບໍ່ຮັກລູກ
ຄົນບາງຄົນຮັກລູກ ແຕ່…ເຂົາບໍ່ເໝາະສົມກັບລູກ
ຖ້າຢາກຮູ້ວ່າເຂົາຮັກຈິງຫຼືບໍ່ ຢ່າໃຊ້ຫູຟັງ ແຕ່ຈົ່ງໃຊ້ຕາເບິ່ງ ວ່າເຂົາຈະທຸ້ມເທຕໍ່ລູກສັກພຽງໃດ.

ຫາກຢາກຮູ້ວ່າເຂົາເໝາະສົມກັບລູກ ຫຼືບໍ່ ຢ່າຕັດສີນເຂົາວ່າ ມີອັນໃດ? ແຕ່ຈົ່ງຕັດສິນຈາກຮອຍຍີ້ມຂອງລູກ ແລະນໍ້າຕາທີ່ຕ້ອງຫຼັ່ງໄຫຼເພາະເຂົາ…

ຄົນທີ່ເຮັດໃຫ້ລູກຮ້ອງໄຫ້ຢູ່ສະເໝີນັ້ນ ຕໍ່ໃຫ້ພຽບພ້ອມປານໃດກໍ່ຢ່າເລືອກຝາກຊີວິດໄວ້…

ຄົນທີ່ເຮັດໃຫ້ລູກຍິ້ມໄດ້ ຕໍ່ໃຫ້ຖານະຍາກຈົນພຽງໃດ ກໍ່ຄຸ້ມຄ່າທີ່ຈະຝາກຊີວິດໄວ້.

“ຈົ່ງເລືອກເໝື່ອຍເພາະຫົວ ຢ່າເລືອກສະບາຍຕົວ ແຕ່ຮ້ອງໄຫ້ທຸກມື້”

ເລືອກຄົນທີ່ເກັບຮູບເຮົາ ໄວ້ໃນກະເປົາເງິນຂອງເຂົາ
ເລືອກຄົນທີ່ກ້າໂພສຮູບເຮົາ ໄວ້ໜ້າໄທມ໌ໄລນ໌ຂອງເຂົາ
ເລືອກຄົນທີ່ກ້າໃຫ້ເຮົາ ຮູ້ຄວາມເຄື່ອນໄຫວຂອງເຂົາ
ເລືອກຄົນທີ່ກ້າທຸ່ມເທ ຄວາມຮັກໃຫ້ກັບເຮົາ…

ຫາກການຄົບຫາກັນແລ້ວ ເຂົາຄົນນັ້ນບໍ່ໄດ້ຊ່ວຍໃຫ້ເຮົາດູດີຂຶ້ນໃນສາຍຕາຂອງຄົນອື່ນ ພໍ່ຕ້ອງສະແດງຄວາມເສຍໃຈນຳ “ເຈົ້າເລືອກຄົນຜິດແລ້ວ” ເພາະຖ້າຫາກເຂົາຮັກເຮົາຈິງ ເຂົາຈະບໍ່ຍອມໃຫ້ຄົນຮັກຂອງເຂົາຕົກຕໍ່າໃນສາຍຕາຂອງຜູ້ໃດ.

ຜູ້ຊາຍບາງຄົນທີ່ເຈົ້າຮັກ ເຂົາຕ້ອງການໃຊ້ຊີວິດກັບເຈົ້າຕະຫຼອດຊີວິດ
ຜູ້ຊາຍບາງຄົນທີ່ເຈົ້າຮັກ ເຂົາຕ້ອງການໃຊ້ຊີວິດຊົ່ວຄາວ

ຄົນທີ່ຕ້ອງການໃຊ້ຊິວິດກັບເຈົ້າທັງຊີວິດນັ້ນ ເຂົາອາດຈະບໍ່ໄດ້ຊື້ເຂົ້າຂອງ ຫຼື ບອກຮັກເຮົາທຸກມື້ ເພາະເຂົາຈະພະຍາຍາມສ້າງຕົວເພື່ອເຈົ້າ ແລະ ຄອບຄົວ.

ຄົນທີ່ຕ້ອງການໃຊ້ຊີວິດກັບເຈົ້າພຽງຊົ່ວຄາວນັ້ນ ເຂົາຈະຖວາຍທຸກສິ່ງທຸກຢ່າງໃຫ້ກັບເຈົ້າ ສະເໝືອນວ່າ “ຫາກຂາດເຈົ້າ ເຂົາຂາດໃຈ”

ດັ່ງນັ້ນ “ຜູ້ຊາຍດີໆ ຈະຄິດເຖິງການຮ່ວມຊີວິດ” ສ່ວນ “ຜູ້ຊາຍຊົ່ວໆ ຈະຄິດເຖິງການຮ່ວມຫຼັບນອນ”
ທີ່ເວົ້າແບບນີ້ ກໍ່ເພາະພໍ່ເປັນຜູ້ຊາຍ ເຊິ່ງຜູ້ຊາຍຍ່ອມຮູ້ສັນດານແຫ່ງຜູ້ຊາຍໄດ້ດີຍິ່ງກວ່າໃຜໆໃນໂລກນີ້.

ລູກເອີຍ! ເຈົ້າຮັກຕົວເອງໄດ້ຫຼາຍເທົ່າໃດ ເຈົ້າກໍ່ມີຄ່າແກ່ຕົວເອງ ແລະຄົນອື່ນຫຼາຍເທົ່ານັ້ນ…
ຢ່າເອົາອົກເອົາໃຈຄົນອື່ນຈົນລືມຫ່ວງໄຍຕົວເອງ ຊີວິດໜຶ່ງໆບໍ່ໄດ້ຍາວເໝືອນສາຍໄຟຟ້າ ລູກຈົ່ງຈົດຈຳໄວ້ວ່າ “ຫາກການມີຄູ່ແລ້ວເປັນທຸກ ຢູ່ຄົນດຽວນັ້ນແຫຼະດີກ່ວາ ແລ້ວພໍ່າພຽນຮັກສາດວງໃຈນ້ອຍໆຂອງເຈົ້າໃຫ້ເປັນສຸກ ດ້ວຍຕົວເຈົ້າເອງເຖີດ!!

ກຣຸບເລືອດ A ຕຽມຮັບສຶກໜັກກັບ Covid-19 ຮູ້ໄວຕຽມຕົວໄດ້ໄວກວ່າ

ຈີນພົບເລືອດກຣຸບ A ມີໂອກາດຕິດໂຄວິດ ຫຼາຍທີ່ສຸດ

ສ່ວນ ກຣຸບ O ມີໂອກາດຕິດໜ້ອຍທີ່ສຸດ

ກາຍເປັນອີກໜຶ່ງງານວິໄຈ ທີ່ເອີ້ນສຽງຕື່ນຕະນົກໃຫ້ກັບສັງຄົມ ເມື່ອເວັບໄຊ workpointnews ລາຍງານວ່ານັກວິໄຈຈີນຄົ້ນພົບວ່າ ຄົນທີ່ມີກຣຸບເລືອດ A ມີໂອກາດຕິດເຊື້ອ Covid-19 ໄດ້ງ່າຍກວ່າຄົນທີ່ມີກຣຸບເລືອກອື່ນ ລວມທັງຜູ້ປ່ວຍໜັກກວ່າດ້ວຍ ໃນຂະນະທີ່ຄົນກຣຸບເລືອດ O ມີຄວາມສ່ຽງຕໍ່ການຕິດເຊື້ອໜ້ອຍກວ່າກຣຸບອື່ນ

ບໍ່ມີໃຜຈະທຳຮ້າຍເຮົາໄດ້ຊ້ຳໆ ນອກຈາກຄວາມຄິດ ແລະ ການກະທຳຂອງເຮົາເອງ

 

ວັນທີ່ໃຈບາດເຈັບ

ຢ່າໄດ້ຮ້ອງຂໍຄວາມເຫັນໃຈຈາກໃຜ

ຈື່ໄວ້ວ່າບໍ່ມີໃຜຊ່ວຍເຮົາໄດ້ດອກ ນອກຈາກຕົວເຮົາເອງ

ທຸກູຄົນອາດຮັບຟັງຍາມເຮົາທຸກ ແຕ່ບໍ່ມີໃຜດອກທີ່ຢາກຟັງເລື່ອງເກົ່າໆ ຊ້ຳໆທຸກວັນ

ບາງຄົນອາດໃຫ້ຄຳປຶກສາ ແຕ່ບໍ່ແມ່ນທຸກຄົນທີ່ຈະເວົ້າເລື່ອງເກົ່າໆເດີມໆ ຊ້ຳໆ

ຄວາມທຸກຄວາມເສົ້າກໍ່ເຊັ່ນດຽວກັນ ເມື່ອມັນມາຕ້ອງມີສະຕິຕັ້ງຫຼັກຮັບມື

ບໍ່ແມ່ນພ່ຳເພີ້ກອດຄວາມທຸກເອົາໄວ້ ແລ້ວເອົາແຕ່ໂທດຄົນອື່ນ ທັ້ງໆເຮົາເອງທີ່ບໍ່ຍອມປ່ອຍ

ບໍ່ຍອມຮັບຄວາມຈິງ ບໍ່ເຫັນເຫດ ແລະ ປະໂຫຍດທີ່ເກີດ ເບິ່ງແຕ່ເຂົາທຳລາຍ ທຳຮ້າຍເຮົາໃຫ້ເຈັບຊ້ຳໆ

ຈຶ່ໄວ້ວ່າ ບໍ່ມີໃຜຈະທຳຮ້າຍເຮົາໄດ້ຊ້ຳໆ ນອກຈາກຄວາມຄິດ ແລະ ການກະທຳຂອງເຮົາເອງ

http://www.miluem.com